Once up on a time Bra Anansi mek a law that no body in the country should chat one anada. If dem chat people dem go drop down dead. So one day hungry bite him and him nuh know what to do so him tek up him pickax and drill an went up on a high stony hill. While he was dere beating PING! PING! PING! PING! Bra Takuma come around and see him. Now everybody know sey Bra Takuma faass bad so him say:
“Good Mawnin, Bra Nansi.”
Bra Anansi say:
“Good Mawnin, Bra Takuma, I jus ere a see what I can get for de coming year.”
So Bra Takuma pass and im go roun de corna. Afta him gawn roun de corna im say:
“Massa Gawd see an know say mi nah chat Bra Nansi. But a what im can get off a dat dere rock fe de comin year?”
Braps, Bra Takuma drop down dead, but Bra Anansi did expect that so him come along de road an him see Bra Takuma stiff dead and him eat him off.
Greedy Anansi nuh do nothing more than go back pon him rock and start to dig again. TING CHING CHING CHING CHING! So Bra Tiga passing by and him say:
“Good Morning Brother Anansi, how are you on this fine morning” (Say it loud and proper with a British accent if you can^_^)
“Good Mawnin, Bra Tiga, I jus ere a see what I can get for de coming year.”
“Very well Anansi, Very well.”
An him gone. So Bra Tiga pass and im go roun de corna. Afta him gawn roun de corna im say to himself:
“You know, I am not the type to meddle in peoples’ affairs, but. What the devil could Anansi get off that measly rock for the coming year?”
Braps, Bra Tiga drop down dead, and Bra Anansi did expect that so him come along de road an him see Bra Tiga stiff dead and him eat him off jus de same.
Bra Anansi set up pon him rock again but before him could even start knocking nuh Bra Tumble Bug dat come roun pon him. So Bra Bug say:
“Mawnin Bra Nansi.”
“Mawnin Bra Bug”
Den im say:
“Mi jus ere a see what mi can get off dis rock fe de coming year.”
“Awright Bra Nansi, mi gawn.”
So said so done as Bra Tumble Bug go roun de corner him dat say:
“Massa Gawd see an know mi nah chat Bra Nansi business. But! Wha im can get off a dat dere rock-stone fe de comin year?”
Buff, him drop down dead. An a Bra Anansi dat is to come along and eat him up too. Again craving Anansi gone back pon de same rock gone wait fi somebody else fi come along. But Pa John (John Crow) a fly round and him see what Bra Anansi was doing so him ketch the rake (saw what Anansi was up to). Anyway Pa John say to himself well mi a go see what Anansi getting off a dah rock de so. So him fly down wit him walking stick and slam it against the rock.
BOW! BOW! BOW! (Loudly)
“Mawnin Bra Nansi.”
“Mawnin Pa John.”
But before Bra Anansi could say anything else is Pa John dat (speaking very sternly and quickly):
“I jus seein what I can get off here fe de comin year.”
“Anyway Bra Nansi I goin down to de barber to get a trim, so I will see yu.”
An Pa John fly off and gawn around de corna, an Bra Anansi look up an say to himself:
“Masha Gawd shee an know shee mi no talk people business, but. Wha Pa John ave pon fi im ead fi trim off?”
An Bra Anansi drop down an dead. Pa John did expect it. Im neva talk so him turn back and see Bra Anansi stiff dead so im eat im up an all de other people dat Anansi did et before.
Jack Mandora mi nuh choose none.